कोरिया 12 मार्च 2024। सशक्त नारी विकसित भारत कार्यक्रम अंतर्गत जिला के विकासखंड बैकुंठपुर के ग्राम बड़गांव म लखपति दीदी योजना के तहत राष्ट्रीय ग्रामीण आजीविका मिशन म उत्कृष्ट काम करइया अऊ कई ठन व्यवसाय के माध्यम ले अपन आजीविका ल सुदृढ़ करइया महिला मन ल सम्मानित करे गीस। कार्यक्रम म प्रधानमंत्री श्री नरेंद्र मोदी ह वीडियो कांफ्रेंस के माध्यम ले देश भर ले जुड़े लखपति दीदी मन ल संबोधित करके उंखर से गोठ-बात घलोक करिन। बिहान ले जुड़े जिला के 10 महिला मन ल लखपति दीदी के सम्मान मिलीस जेमे किरण, हिरमानिया, कलेनिया, पूनम, मनीबाई, संगीता, उवंती, अंजू, सुंदरी अऊ सरोज ल सम्मानित करे गीस। ए बेरा म जिलास्तरीय कार्यक्रम म कलेक्टर श्री विनय कुमार लंगेह अऊ मुख्य कार्यपालन अधिकारी जिला पंचायत डॉ.आशुतोष चतुर्वेदी सामिल होइन।
इही कड़ी म कलेक्टर श्री लंगेह ह उपस्थित महिला मन ले कहिन कि भारत सरकार सरलग महिला मन ल सशक्त बनाए बर प्रयासरत हे चाहे फेर वो महतारी वंदन योजना होवश्, ड्रोन दीदी या राष्ट्रीय ग्रामीण आजीविका मिशन। उमन कहिन कि स्व-सहायता समूह ले जुड़े महिला मन यरलग प्रयास अऊ मेहनत जारी रखव अऊ एकदीन लखपति दीदी मन हमार जिला ले करोड़पति दीदि घलोक बनहीं। डॉ. चतुर्वेदी ह घलोक महिला मन ल बताइन के सरकार महिला, किसान अऊ गरीब के उत्थान म कई ठन योजना चलावत हे।
कोरिया: जिला के लखपति दीदी मन ल मिलीस सम्मान : प्रधानमंत्री मोदी के संवाद कार्यक्रम ले जुडि़न जिला के महिला मन
