जीपीएम के सीता मरावी स्व-सहायता समूह अउ बिहान योजना ले बनिस लखपति दीदी, किराना अउ मुर्गी व्यवसाय ले संवर गे जिनगी

CHHATTISGARHI NEWS: गौरेला-पेण्ड्रा-मरवाही (जीपीएम) gurturgoth, जिला के मरवाही विकासखंड के ग्राम गुदुमदेवरी के रहवइया श्रीमती सीता मरावी स्व-सहायता समूह के सहयोग ले आत्मनिर्भरता के नवा मिसाल कायम करे हे। वंदना महिला स्वसहायता समूह ले जुड़के सीता मरावी बैंक लोन अउ समूह ले मिले राशि के मदद ले गांव म किराना दुकान अउ मुर्गी पालन व्यवसाय सुरु करिस। दुनों व्यवसाय म मेहनत अउ लगन के सेती आज ओखर वार्षिक आय लगभग 2 ले 2.5 लाख रुपिया तक पहुंच गे हावय, अउ ओ ह अपन गांव म ‘लखपति दीदी’ के रूप म पहचान बना डरे हावय।
राष्ट्रीय ग्रामीण आजीविका मिशन (बिहान) अउ महतारी वंदन योजना के नियमित आर्थिक सहायता ले ओखर परिवार के आर्थिक स्थिति अउ मजबूत होगे हावय। सीता मरावी बताथे के समूह ले जुड़ना ओखर जिनगी के बड़का मोड़ रहिस, जेकर से ओ ह स्वरोजगार अपनाके अपन पाँव म खड़ा होइस। आज ओ न केवल अपन परिवार के जरूरत पूरा करत हे, बल्कि गांव के दूसर महिला मन बर भी प्रेरणा बनगे हें। ए सफलता बर ओमन प्रधानमंत्री नरेंद्र मोदी अउ मुख्यमंत्री विष्णु देव साय के प्रति आभार व्यक्त करे हें अउ कहे हें के सही मार्गदर्शन अउ सहयोग मिले ले ग्रामीण महिला मन भी आर्थिक रूप से सशक्त हो सकत हें।