बिलासपुर, 23 अक्टूबर 2020। स्टाफ नर्स के नौकरी लगाए के नाम म युवती ल ठगने वाला आरोपी ल दबोच ले गे हे. आरोपी गिरफ्तार होए के डर ले ट्रेन म सवार होके फरार होवत रिहिस. पुलिस ल ए खबर मिले म आरोपी ल घेराबंदी करके पकड़ लिस.
पुलिस ह बतइस कि 20 फरवरी के आदर्श नगर सिरगिट्टी निवासी रोज़ मिंज ह लिखित रिपोर्ट दर्ज कराइस कि आरोपी तरुण भारती पिता किशन भारती (35 वर्ष) धनपुरी जिला शहडोल ह बिलासपुर एसईसीएल म स्टाफ नर्स के नौकरी दिलाए के नाम म 3 लाख ले लिस, लेकिन नौकरी नई लगाइस. एखर बाद ओला धोखाधड़ी होए के एहसास होइस, जेखर ऊपर थाना तोरवा म धारा 420 के तहत अपराध दर्ज करे गिस.
जांच म पता चलिस कि आरोपी नौकरी दिलाए के नाम म रायपुर, अंबिकापुर म घलो इही तरह ले ठगी कर चुके हे. अपराध दर्ज होए के बाद पुलिस लगातार पतासाजी के प्रयास करत रिहिस, जेन ल मुखबिर सूचना म 23 अक्टूबर के रेलवे स्टेशन बिलासपुर ले ट्रेन ले उतार के गिरफ्तार करे गिस, जोन नागपुर भागे बर सवार हो चुके रिहिस. थाना तोरवा स्टाफ द्वारा थाना प्रभारी परिवेश तिवारी के निर्देश म पुलिस टीम ह घेराबंदी करके आरोपी ल गिरफ्तार करिन.