पुलिस अफसर के घर म लाखों के चोरी, 3 लाख नगदी अउ जेवरात ले उड़ीस चोर

कोरबा, 2 नवम्बर 2020। कोरबा जिला के बालको क्षेत्र म चोरी के मामला आगु आय हे। मिले जानकारी के मुताबिक थाना प्रभारी के घर ल चोर मन ह निशाना बनइस अउ लाखों के समान लेके भाग गीन। बताय जावत हे कि घटना देर रात के हे शिकायतकर्ता उरगा थाना प्रभारी लखन पटेल ह अपन परिवार वाले मन के संग बिलासपुर गे रिहिन। इही बीच म चोर मन ह मउका के फायदा उठात हुए देर रात धावा बोल दीस। अउ ताला तोड़ के 3 लाख 7 हज़ार रुपिया नगद अउ 1.5 लाख के जेवरात पार कर दीस।