धमतरी, 20 दिसम्बर 2020। शहर म बीते रात एक लॉज के बिल्डिंग म स्थित एक मोबाइल दुकान म अज्ञात चोर मन ह धावा बोल दिस। चोर मन ह दुकान ले लाखों रुपिया के मोबाइल म हाथ साफ कर दिस। चोर मन ह कुछ घंटा म ही करीब 80-85 महंगा मोबाइल ल लेके फरार हो गए हे। मोबाइल दुकान के मालिक ह बतइस कि बीते रात अपन समय के अनुसार दुकान बंद करके घर चले गिस। आज बिहनिया जब दुकान आइस त देखिइस दुकान के शटर मुड़े हवे अऊ ताला दूसरा लगे हुऐ हे। चोरी के अंदेशा होय म तत्काल पुलिस ल सूचना दिस। जब दुकान के शटर उठा के देखीस त मोबाइल के खाली डिब्बा बीखरे पड़े रिहिस अऊ ओमा ले मोबाइल गायब रिहिस। दुकान मालिक ह बतइस कि तकरीबन 80-85 मोबाइल जेखर कीमत 20-25 लाख रुपिया के मोबाइल सेट गायब हे। चोर मन ह दुकान म लगे सीसीटीवी के डीवीआर ल निकाल के ले भागिस। एएसपी मनीषा ठाकुर ह बतइस कि एक मोबाइल दुकान म मोबाइल के चोरी के सूचना मिले हे। पुलिस सीसीटीव, फिंगर प्रिंट एक्सपर्ट अऊ डॉग स्क्वाड के मदद ले चोर मन के सुराग लगाय म जुट गए हे। जल्दी ही चोर पुलिस के गिरफ्त म आ जाही।
गुरतुर गोठ बर- भीषम वर्मा
