रायपुर, मुख्यमंत्री श्री भूपेश बघेल ह आज अपन निवास कार्यालय म राष्ट्रपिता महात्मा गांधी अऊ पूर्व प्रधानमंत्री स्वर्गीय श्री लाल बहादुर शास्त्री के जयंती के अवसर म ऊंखर फोटू म श्रद्धासुमन अर्पित करके ओ मन ल नमन करिन। ये बेरा म स्कूल शिक्षा मंत्री डॉ. प्रेमसाय सिंह टेकाम घलोक उपस्थित रहिन।
मुख्यमंत्री श्री बघेल ह देश के स्वतंत्रता संग्राम म राष्ट्रपिता महात्मा गांधी के योगदान ल सुरता करत कहिन कि राज्य सरकार बापू के परिकल्पना के मुताबिक ग्राम स्वराज अऊ स्वावलंबन संग ऊंखर आदर्श मन उपर चलके नवा छत्तीसगढ़ गढ़े के उदीम करत हे। मुख्यमंत्री ह पूर्व प्रधानमंत्री श्री लाल बहादुर शास्त्री ल सुरता करत कहिन कि उंखर पूरा जीवन दीन-दुखि अऊ देश के सेवा बर समर्पित रहिस, ओ मन सादगी के प्रतिमूर्ति रहिन।
मुख्यमंत्री ह आज राष्ट्रपिता महात्मा गांधी अऊ पूर्व प्रधानमंत्री स्वर्गीय श्री लाल बहादुर शास्त्री के जयंती म ऊंखर फोटू म श्रद्धासुमन अर्पित करके ओ मन ल करिन नमन
