रायपुर, मुख्यमंत्री श्री भूपेश बघेल ह आज इहां अपन निवास कार्यालय म भारत के पहिली प्रधानमंत्री भारतरत्न स्वर्गीय श्री लाल बहादुर शास्त्री के पुण्यतिथि म ऊंखर फोटू म फुल चढ़ा के ओ मन ल नमन करिन । ये बेरा म स्कूल शिक्षा मंत्री डॉ. प्रेमसाय सिंह टेकाम घलोक उपस्थित रहिन।
मुख्यमंत्री श्री बघेल ह शास्त्री जी के योगदान ल सुरता करत कहिन कि उमन भारतीय स्वतंत्रता संग्राम म अतुल्य योगदान दीन। भारतीय स्वाधीनता संग्राम के महत्वपूर्ण आन्दोलन म उंखर सक्रिय भागीदारी रहिस अऊ एखर सेती ओ मन ल कई पईत जेल घलोक जाना परिस। ऊंखर जय जवान-जय किसान के नारा ह जवान मन के बलिदान के संग अन्नदाता किसान मन के मेहनत ल घलोक सम्मान देवाइस। मुख्यमंत्री ह कहिन कि शास्त्री जी ह अपन पूरा जीवन देश बर समर्पित कर दीन, ऊंखर जीवन मूल्य हमेशा सब ल प्रेरित करत रइही।
मुख्यमंत्री श्री बघेल ह पूर्व प्रधानमंत्री श्री लाल बहादुर शास्त्री के पुण्यतिथि म ओ मन ल नमन करिन
