रायपुर, मुख्यमंत्री श्री भूपेश बघेल ह आज 1 मई के स्वतंत्रता संग्राम सेनानी स्वर्गीय लाल श्याम शाह के जयंती म ओ मन ल नमन करिन। मुख्यमंत्री ह आज इहां अपन निवास कार्यालय म ऊंखर फोटू उपर माल्यार्पण करके ओ मन ल नमन करिन। ये बेरा म नगरीय प्रशासन अउ विकास मंत्री डॉ शिवकुमार डहरिया घलोक उपस्थित रहिन।
श्री बघेल ह लाल श्याम शाह ल सुरता करत कहिन कि ओ मन राजनांदगांव जिला के पानबरसा के निवासी रहिन। उमन सीपी एन्ड बरार के समय सांसद अऊ विधायक के रूप म प्रदेश अऊ देश के सेवा करिन। छत्तीसगढ़ राज्य निर्माण आंदोलन म घलोक ओ मन सक्रिय रहिन। मध्य भारत के ओ मन बड़े आदिवासी नेता रहिन। क्षेत्र अऊ प्रदेश के विकास म ऊंखर योगदान ल कभी भुलाए नइ जा सकय।
मुख्यमंत्री ह स्वतंत्रता संग्राम सेनानी लाल श्याम शाह के जयंती म ओ मन ल करिन नमन
