रायपुर, 12 जनवरी 2021। राजधानी रायपुर म एक मकान मालिक ह अपन किरायादार के हत्या कर दीस। बताये जावत कि मकान मालिक अउ किरायादार के बीच किराया बढाये ल लेके विवाद होगे, जेखर बाद आक्रोशित मकान मालिक ह किरायादार के सिर म सेंट्रिंग प्लेट दे मारीस। एखर ले किरायादार के मउका म ही मउत होगे। फिलहाल सूचना मिले ले मउका म पहुंचे पुलिस ह आरोपी ल गिरफ्तार कर लेहे हे अउ पूछताछ करत हे।
मिले जानकारी के अनुसार मामला आजाद चैक थाना क्षेत्र के हे, जिहां मकान मालिक ह किरायादार के हत्या कर दीस। बताये जावत कि दुनों के बीच लंबा बेरा ले किराया के रकम 1 हजार रुपिया बढ़ाये ल लेके विवाद चलत रहिस सोमवार देर संझा घलो इही बात ल लेके परमानंद मरकाम के किराएदार लेे बहस होगे। दुनों के बीच बात अतना बढ़ीस कि परमानंद ह किरायादार के सिर म सेंट्रिंग प्लेट ले हमला कर दीस, जेखर ले ओखर मउका म ही मउत होगे।