पोषक अऊ औषधीय गुण ले भरपूर मुनगा पेंड के बड़का पैमाना म होवत हे रोपण

कांकेर, 06 जुलाई 2020। मुख्यमंत्री श्री भूपेश बघेल के मनमुताबिक पोषक अऊ औषधीय गुण ले भरपूर मुनगा पेंड के बड़का पैमाना म रोपण करे जात हे। कांकेर जिला के सबो स्कूल, आश्रम-छात्रावास अउ आंगनबाड़ी मन म मुनगा के पेंड़ के रोपण करे जात हे। कांकेर विधानसभा क्षेत्र के विधायक श्री शिशुपाल शोरी ह आज जनप्रतिनिधि अउ प्रशासनिक अधिकारी मन के संग शासकीय कन्या उच्चतर माध्यमिक विद्यालय कांकेर अऊ प्राथमिक विद्यालय ईच्छापुर के परिसर म मुनगा के पौधा के रोपण करके ये अभियान के शुरूआत करिन। ये अभियान के तहत् कांकेर जिला के कुल 2442 विद्यालय मन अऊ 188 आश्रम-छात्रावास अउ 2108 आंगनबाड़ी केन्द्र के परिसर मन म मुनगा के पौधा के रोपण करे जात हे। जिला म 1591 प्राथमिक विद्यालय, 608 माध्यमिक विद्यालय, 107 हाईस्कूल अऊ 136 हायर सेकेण्डरी स्कूल हे।