छत्तीसगढ़ के पहली मुख्यमंत्री अजीत जोगी के राजकीय सम्मान के संग होइस अंतिम संस्कार

रायपुर, 30 मई 2020। छत्तीसगढ़ के पहली मुख्यमंत्री अजीत जोगी के शनिवार शाम गौरेला म राजकीय सम्मान के संग अंतिम संस्कार होइस. ज्योतिपुर के ग्रेवयार्ड म ईसाई रीति रिवाज ले अजीत जोगी के अंतिम संस्कार होइस. ये बेरा म छत्तीसगढ़ सरकार के कई मंत्री, विधायक समेत अन्य दल मन के वरिष्ठ नेतागण अउ आम नागरिक मन घलो शामिल होइस. अजीत जोगी के जन्म 29 अप्रैल 1946 के होय रहिस. 74 वर्ष के आयु म शुक्रवार 29 मई के उंखर निधन होगे.