रायपुर, मुख्यमंत्री श्री भूपेश बघेल ह स्वर कोकिला भारत रत्न लता मंगेशकर के निधन म गहरा शोक व्यक्त करे हें। श्री बघेल ह कहिन हें के- स्वर कोकिला, ‘भारत रत्न’ आदरणीया लता मंगेशकर जी के निधन बेहद दुःखद अऊ सम्पूर्ण कला जगत बर अपूरणीय क्षति हे।
उमन ईश्वर ले उंखर आत्मा के शांति अऊ शोकसंतप्त परिवारजन ल ये दुख ल सहन करे के शक्ति प्रदान करे के प्रार्थना करे हें।
मुख्यमंत्री श्री भूपेश बघेल ह कहिन कि सुश्री लता मंगेशकर जी के गाये मधुर गीत हमेशा मनखे मन के दिल म बसे रइही। उंखर आवाज़ ही उंखर पहिचान हे, जेन कभू गांवा नइ सकय। मुख्यमंत्री ह कहिन कि सुश्री लता मंगेशकर जी ह 30 ले जादा भाषा म गीत गाए हें, ऊंखर निधन ले भारत ह आज एक रत्न खो देहे हे।
मुख्यमंत्री ह स्वर कोकिला भारत रत्न लता मंगेशकर के निधन म जताइन गहरा शोक
