सामान्य प्रेक्षक श्री बालाजी राव ह करिन पाटन क्षेत्र के मतदान केन्द्र के दउरा

दुर्ग 24 अपरेल 2024/ भारत निर्वाचन आयोग ह संसदीय क्षेत्र निर्वाचन नंबर 07 दुर्ग बर नियुक्त सामान्य प्रेक्षक श्री लथकर श्रीकेश बालाजी राव (आईएएस) ह आज विधानसभा क्षेत्र नंबर 62 पाटन अंतर्गत कुम्हारी, कुकदा, पतोरा, सेलूद, ठकुराईन टोला, अखरा, डीडाभाठा (रानीतराई), जामगांव (आर) आदि गांव मन के मतदान केन्द्र मन के जांच करिन। जेमां संगवारी मतदान केन्द्र, दिव्यांग मतदान केन्द्र अउ क्रिटिकल मतदान केन्द्र घलोक सामिल रहिस। उमन अधिकारी मन ल मतदान केन्द्र मन बर जरूरी व्यवस्था जइसे पेयजल, शेड आदि संबंधी व्यवस्था ठउका करे के हुकुम दीन। जहां एक ले जादा मतदान केन्द्र हे, उहां मतदान कक्ष तक जाय बर मार्ग चिन्हित करे ल कहे गीस। निरीक्षण के समय तहसीलदार पाटन, नगर पालिक अधिकारी कुम्हारी, सुपरवाईजर, बीएलओ अउ स्कूल मन के प्रधानपाठक उपस्थित रहिन।