लवन ल मिलही पूर्ण तहसील के दर्जा : मुख्यमंत्री ह जनचौपाल भेंट मुलाकात म करिन घोषणा

रायपुर, मुख्यमंत्री श्री भूपेश बघेल ह आज इहां अपन निवास म आयोजित जनचौपाल भेंट मुलाकात म बलौदा बाजार जिला के लवन ले आए नागरिक मन के आग्रह म लवन उप तहसील ल पूर्ण तहसील के दर्ज देहे के घोषणा करिन।

नागरिक मन ह मुख्यमंत्री ल बताइन कि उप तहसील म 70 ग्राम पंचायत हे। नागरिक मन ल तहसील के काम ले हरहमेसा बलौदाबाजार जाना परथे, लवन क्षेत्र के कई गांव मन ले बिक्‍कट जादा दूरी होए के सेती ये गांव वाले मन ल असुविधा होथे। लवन म तहसील कार्यालय खुले ले अब बिक्‍कट आसानी होही। लवन म कार्यालय बर करीबन 40 एकड़ शासकीय जमीन उपलब्‍ध हे।

मुख्यमंत्री ह नागरिक मन के बात मन ल सहानुभूतिपूर्वक सुनिन अऊ लवन ल पूर्ण तहसील के दर्जा देहे के घोषणा करिन। नागरिक मन ह मुख्यमंत्री ल धन्यवाद दीन। लवन ले आए प्रतिनिधिमंडल म लवन के सरपंच श्रीमती शकुंतला साहू संग सर्वश्री अनुराग पाण्डेय, देवीलाल बरवे, प्रताप डहरिया, मनुराम बाजरे संग बहुत अकन नागरिक सामिल रहिन।