नावा तरिया म सुरु होइस गहरीकरण
लक्ष्मी नारायण लहरे “साहिल”
कोसीर । कोविड -19बैरी ह संसार म फैल गेहे हे ।अऊ जिनगी ल तहस नहस कर देहे हे ।घर ल बाहिर निकले बर ये बख्त मुस्कुल हो गेहे हे। हमर भारत सरकार अऊ हमर प्रदेश के मुखिया मुख्यमंत्री भूपेश बघेल जी ह धीरज धरेबर कहे हे अऊ अपन घर म रहे बर बोले हे ।बैरी कोविड -19 कोरोना वायरस ल लड़े बर सामाजिक दूरी रखे ल लगही अऊ 11 अप्रैल ल मास्क लगाना अऊ गमछा बांधना जरूरी आय त ये बात ल घलो संसो करे बर लागत हे । हमर छत्तीसगढ़ प्रदेश सरकार ह दू महीना के रासन ल सोझे दिस हे ।अऊ लॉक डाउन होय ले सबो के हालत ह खस्ता हो गेहे हे तेकर खातिर सरकार ह सबो तरफ ले मद्द करत हे जैसे 03 महीना ल गैस के रुपया खाता म भजहि जन धन खाता म 500 रुपया अउ जेखर रासन कार्ड नी आय तेखर नवा रासन कार्ड बनहि सबो तरह ल सरकार ह मद्द बर तैयार आय । अऊ लॉक डाउन के ये बेरा म मजदूर मन के खातिर गांव डाहर म बुता काम खोलिस हें हमर रायगढ जिला के बड़े गांव कोसीर आय आज लॉक डाउन के 29 वां दिन होंगे अऊ मनरेगा योजना म कोसीर गांव के नावा बस्ती के नावा तरिया म गहरीकरण काम खुलिस हावे जेमा गांव के मजदूर मन आज 300 के संख्या म काम करे पहुंचे रहिन । गांव म काम खुलिस हे त मजदूर भाई मन के चेहरा ह खिले खिले लागिस हे ।तालाब गहरीकरण बर 5 लाख 61 हजार के मंजूरी मिले हे ।लोगन मन काम ल ले के खुस हें ।
