मुख्यमंत्री श्री भूपेश बघेल ह पटेल परिवार के घर म स्वादिष्ट अउ छत्तीसगढ़िया भोजन के लिस आनंद

दुर्ग, नेहा राठौर के खबर/ मुख्यमंत्री श्री भूपेश बघेल ह अपन प्रदेशव्यापी भेंट मुलाकात अभियान के तहत आज दुर्ग जिला के भिलाई नगर विधानसभा के  छावनी चौक पहुंचे रहिस हे। 8हां श्रीमती लक्ष्मी पटेल अउ परिवार के आतिथ्य म मुख्यमंत्री ओकर घर भोजन करे ब पहुंचिस, जिहा पटेल परिवार ह घर के मुहटा(मुख्य द्वार) म तिलक-आरती अउ गुलदस्ता(पुष्प गुच्छ) भेंटकर के मुख्यमंत्री के आत्मीय स्वागत करिस। ए अवसर म वन मंत्री अउ जिला के प्रभारी मंत्री श्री मोहम्मद अकबर अउ स्थानीय विधायक श्री देवेन्द्र यादव घलो उपस्थित रहिस हे।
मुख्यमंत्री ह पटेल परिवार के सदस्य मन द्वारा सादगी के संग परोसे गए स्वादिष्ट छत्तीसगढ़िया भोजन के स्वाद लिस, मुख्यमंत्री ल भोजन म चावल, दाल, रोटी के संग मुनगा आलू के साग , कांदा भाजी, पालक मटर के साग, कोंचाई कुम्हड़ा अउ जिमिकांदा के साग, सलाद अउ आमा के चटनी संग खीर परोसे रहिस हे। मुख्यमंत्री ह स्वादिष्ट छत्तीसगढ़िया भोजन ब पटेल परिवार ल उपहार भेंट कर के धन्यवाद दिस। मुख्यमंत्री ल अपन आतिथ्य म परिवार के बीच बईठ के भात खात देख के परिवारजन अबड़ उत्साहित रहिस हे।
मुख्यमंत्री श्री बघेल ल परिवार के मुखिया मोतीलाल पटेल ल बताइस के ओकर तीन भई के संयुक्त परिवार हे। स्क्रीन प्रिंटिंग के पारिवारिक व्यवसाय हे, ओकर परिवार के राशन कार्ड अउ सब सदस्य के आयुष्मान कार्ड घलो बने हे , ओमन ह आवास योजना के घलो लाभ लिए हे।