मंत्री श्रीमती लक्ष्मी राजवाड़े के मध्यप्रदेश दौरा

आस्था, संस्कृति अऊ सेवा के संगमओंकारेश्वर, महेश्वर अऊ महाकाल के दर्शन करके छत्तीसगढ़ के सुख समृद्धि अऊ प्रगति के कामना करिन
रानी अहिल्याबाई होलकर राजबाड़ा अऊ अहिल्या महल के करिन भ्रमण
दृष्टिबाधित लइका मन के स्किल कार्यक्रम म सामिल होके ऊंखर आत्मविश्वास, हुनर अऊ जिजीविषा के सराहना करिन 
रायपुर, महिला अऊ बाल विकास अऊ समाज कल्याण मंत्री श्रीमती लक्ष्मी राजवाड़े  मध्यप्रदेश के दू दिन के दउरा म रहिन।  प्रवास के पहिली दिन श्रीमती राजवाड़े ह खंडवा जिला म नर्मदा तट म स्थित देश के 12 ज्योतिर्लिंग म ले एक श्री ओंकारेश्वर महादेव के मंदिर पहुंचके विधिवत पूजा-अर्चना करिन। उमन प्रदेश के जनता के कल्याण, सुख-समृद्धि अऊ सामाजिक सौहार्द के कामना करत नर्मदा पूजन घलोक करिन। एखर बाद ओ मन प्रसिद्ध महेश्वर मंदिर (जिला-खरगौन) पहुँचिन, जेन देवी अहिल्याबाई होल्कर के धार्मिक आस्था अऊ वास्तुकला के बर प्रसिद्ध हे। इहां उमन महेश्वर घाट अऊ मंदिर परिसर के घलोक दर्शन करिन।
प्रवास के दूसरे दिन मंत्री श्रीमती राजवाड़े उज्जैन पहुँचि। श्रीमती राजवाड़े महाकालेश्वर मंदिर म भिनसार के भस्म आरती म सामिल होइन। ए बेरा म उमन शिव आराधना करके छत्तीसगढ़ के जनता बर आशीर्वाद प्राप्त करिन। उज्जैन म श्री कालभैरव मंदिर के दर्शन करके उमन छत्तीसगढ़ के सुरक्षा अऊ समृद्धि के प्रार्थना करिन।
धार्मिक स्थल मन के दर्शन के बाद मंत्री श्रीमती राजवाड़े ह इंदौर के ऐतिहासिक देवी अहिल्याबाई होल्कर महल (राजबाड़ा) के भ्रमण करिन। इहां उमन मराठा कालीन स्थापत्य कला, अहिल्याबाई के जीवन गाथा अऊ प्रशासनिक कुशलता ले जुड़े जानकारी प्राप्त करिन। उमन कहिन के अहिल्याबाई जइसे महिला मन ले प्रेरणा लेके आज के महिला मन घलोक समाज म अगुवई के भूमिका निभावत हे। उमन ए धरोहर ल महिला मन के सामाजिक-राजनीतिक सशक्तिकरण के ऐतिहासिक मिसाल बताइन।
मंत्री श्रीमती राजवाड़े ह इंदौर प्रवास के समय दृष्टिबाधित (दिव्यांग) लइका मन बर आयोजित रोजगार मूलक स्किल डेवलपमेंट कार्यक्रम म मुख्य अतिथि के रूप म शिरकत करिन। ए बेरा म म उमन लइका मन के आत्मविश्वास, हुनर अऊ जिजीविषा के सराहना करिन।