रायपुर : ‘महतारी वंदन योजना’ ल लेके महिला मन म भारी उछाह

सूरजपुर, 12 फरवरी 2024। छत्तीसगढ़ म महिला मन के सशक्तिकरण बर शुरू कर गए ‘महतारी वंदन योजना’ के लाभ देवाए बर पंचायत अऊ आंगनबाड़ी स्तर म शिविर के आयोजन करे जात हे। ए योजना ल लेके महिला मन म भारी उछाह हे। महिला अउ बाल विकास मंत्री श्रीमती लक्ष्मी राजवाड़े ह सूरजपुर जिला के ओडगी विकासखंड के दूरस्थ क्षेत्र मन म भ्रमण के समय ए शिविर मन के अवलोकन करिन अऊ अधिकारी मन ल सबो पात्र महिला मन ल ए योजना ले लाभान्वित करे के निर्देश दीन।
ओडगी म आयोजित महतारी वंदन योजना के शिविर म श्रीमती राजवाड़े ह पात्र हितग्राही मन ल आवेदन भरे बर प्रोत्साहित करिन अऊ ए योजना ले मिलइया लाभ के जानकारी दीन। उमन बताइन कि मुख्यमंत्री श्री विष्णु देव साय के नेतृत्व म राज्य सरकार प्रदेश के जनता ले करे हर वादा ल पूरा करत हे। इही कड़ी म महतारी वंदन योजना के तहत विवाहित महिला मन ल प्रति साल 12 हजार रूपिया देहे के शुरूआत राज्य सरकार करइया हे।