राजनांदगांव, 2 सितंबर 2020। नगर निगम म नेता प्रतिपक्ष अउ बीजेपी नेत्री शोभा सोनी के आज निधन होगे। शोभा सोनी के पिछु कुछ दिन ले कोरोना संक्रमित पाए जाये के बाद ले रायपुर एम्स म इलाज चलत रिहिस हे । शोभा सोनी पूर्व म नगर निगम के महापौर घलो रिहिन हे।
बताय जावत हे कि करीब 14 दिन पहली शोभा सोनी कोरोना संक्रमित पाय गए रिहिस हावे। सर्दी-बुखार आये बाद स्वास्थ्य विभाग ल सूचना दे रिहीस, जेकर बाद उकर एंटीजेन टेस्ट कराया करये गए रहिन, रिपोर्ट पाॅजिटिव आये के बाद ओहा खुद सोशल मीडिया म इसे साझा करत हुए संपर्क म आए लोगन ल जांच कराय के बात कहे रिहिन हे।
शोभा सोनी के संक्रमित होये के बाद ओला सोमनी स्थित कोविड केयर सेंटर म भर्ती कराया गे रिहिन। 26 अगस्त के सांस लेहे म तकलीफ बढे के बाद ओला एम्स रायपुर शिफ्ट कराय गे रिहिस। जिहां आज इलाज के दौरान दम तोड़ दिस।
निगम म नेता प्रतिपक्ष अउ पूर्व महापौर शोभा सोनी के निधन, कोरोना संक्रमित होय के बाद एम्स म चलत रिहिस इलाज
