पट्टा भुइंया म करत हे उरिद, फल्ली अउ राहेर के खेती जीवन-यापन के स्थायी अधार ब मुख्यमंत्री ल दिस धन्यवाद
जशपुर, नेहा राठौर के खबर/ जिला के विशेष पिछडे़ जनजाति पहाड़ी कोरवा समुदाय के 697 लोगन मन ल 535.708 हेक्टेयर भुइयां ले वन अधिकार पट्टा दिए गईस हे। जिला प्रशासन कोती ले पट्टा म दिए गए वन भूमि म पहाड़ी कोरवा किसान मन ह उड़द, मूगफली, अरहर, धान, साग-सालन के खेती कर के जीवन-यापन करत हे। मुख्यमंत्री श्री भूपेश बघेल ल धन्यवाद देते हुए पहाड़ी कोरवा मन ह कहिस के ओमन ल घुमंतु जिन्दगी ले मुक्ति देवाके छत्तीसगढ़ सरकार ह नवा जीवन जीए के स्थायी आधार दे दिस हे। जिला के बगीचा विकासखंड के गांव कुटमा निवासी विशेष पिछड़ी जनजाति पहाड़ी कोरवा श्री जयकिसुन राम ल जिला प्रशासन कती ले वनअधिकार के पट्टा दिए गए हे। किसान जयकिसुन ल काबिज वन भूमि 0.112 हेक्टेयर के पट्टा मिले हे। किसान जयकिसुन ह मुख्यमंत्री श्री भूपेश बघेल ल धन्यवाद देते हुए कहिस के अपन काबिज वन भूमि म मूंगफली अउ अरहर साग-सब्जी के फसल लगात हवय अउ आमदनी घलो बढ़िया होवत हे।
