हार्वर्ड विश्वविद्यालय म व्याख्यान देवइया श्री भूपेश बघेल छत्तीसगढ़ के पहिली मुख्यमंत्री

  • छत्तीसगढ़ म होए नवा परयोग उपर शोध बर लउहे हार्वर्ड विश्वविद्यालय के एक दल करही दौरा
  • ‘लोकतान्त्रिक भारत म जाति अऊ राजनीति’ विसय उपर चर्चा म होहीं सामिल

रायपुर, 14 फरवरी 2020। छत्तीसगढ़ के मुख्यमंत्री श्री भूपेश बघेल प्रदेश के पहिली मुख्‍यमंत्री ये जउन हार्वर्ड विश्वविद्यालय ले भारत सम्मेलन म सामिल होए बर आमंत्रित करे गए हें। आदिवासी बहुल अऊ कृषि प्रधान राज्य होए के सेती मुख्यमंत्री श्री बघेल के हार्वर्ड ले निमंत्रण देश अऊ राज्य बर गरब के विसय ये। भलुक ‘लोकतान्त्रिक भारत म जाति अऊ राजनीति’ विसय उपर आयोजित चर्चा म उमन ल आमंत्रित करे गए हे, फेर ओ मन इहां हाले म छत्तीसगढ़ म कृषि अउ ओखर से संबन्धित क्षेत्र म होए अभिनवकारी पहल उपर अपन अनुभव ल उहाँ उपस्थित नीति निर्माता अऊ शोधकर्ता मन के आगू साझा करहीं। संगेच ओ मन इहां आर्थिक मंदी के दौर म छत्तीसगढ़ म बढ़े खरीदी के संग आन मुद्दा मन के जानकारी देहीं। हार्वर्ड विश्वविद्यालय के शोधकर्ता मन ल प्रदेश के महत्वाकांक्षी योजना नरवा, गरवा, घुरवा अऊ बारी योजना ह अतका प्रभावित करे हे कि उमन प्रदेश म अध्ययन अउ शोध के अपन इच्छा घलोक प्रकट करे हें। उहें, विश्वविद्यालय के छात्र वर्षा जल के संचय करके भूजल स्तर बढ़ाए के आन आन विसय म शोध करहीं।

हम आप ल बता देवन, दिसम्बर म अमेरिकी काउंसल जनरल डेविड रेंज छत्तीसगढ़ के दौरा म आए रहिन, ये दौरान उमन छत्तीसगढ़ सरकार के आर्थिक योजना मन ल नजदीक ले देखे रहिन। संगेच आदर्श गोठान के जायजा घलोक ले रहिन। उहें, एखर से पहिली जुलाई म भारत म अमेरिका के राजदूत केनेथ आइ जस्टर घलोक छत्तीसगढ़ के दौरा म आए हें।

एहू ल पढ़व ..  गुणवत्ता बढ़ाके कोऑपरेटिव क्षेत्र कापोरेट ल देवव चुनौती - श्री भूपेश बघेल

हार्वर्ड जइसे प्रतिष्ठित संस्थान ले व्याख्यान बर आमंत्रित करे जाना एक बड़का उपलब्धि ये। दुनिया के श्रेष्ठ शैक्षणिक संस्थान मन म सामिल हार्वर्ड विश्वविद्यालय के भारत सम्मेलन के सालाना आयोजन भारत ले जुड़े समकालीन विषय उपर गोठ, परिचर्चा आदि बर करे जाथे, जेमां दुनिया भर के नामी हस्ति मन हिस्सा लेथें। ये आयोजन मनखे मन ल जोड़े के दुनिया के सबसे बड़े मंच मन म ले एक हे।

लउछरहा..