रायपुर, 28 जून 2024। राज्यपाल श्री विश्वभूषण हरिचंदन के विधिक सलाहकार श्री राजेश श्रीवास्तव अपन अर्धवार्षिकी सेवा पूरा करके सेवानिवृत्त होवत हें। ए बेरा म उमन ल आज राजभवन म भावभीनी विदाई देहे गीस।
राज्यपाल श्री विश्वभूषण हरिचंदन ह ऊंखर उज्जवल भविष्य बर शुभकामना दीन। उमन कहिन कि श्री श्रीवास्तव ह राजभवन म पदस्थापना के समय अपन दायित्व के निर्वहन कुशलता पूर्वक करे हे। कोनो फाइल के निराकरण म कानूनी पहलू मन के जानकारी महत्वपूर्ण होथे। विधिक सलाहकार के पद म रहत श्री श्रीवास्तव ह दक्षता पूर्वक अपन काम करत फाइल मन ल सही तरीका ले निराकरण म सहयोग करिन। भगवान जगन्नाथ ले प्रार्थना हे कि उंखर भावी जीवन सुखमय रहय। राज्यपाल ह श्री श्रीवास्तव ल शाल अऊ स्मृति चिन्ह देके सम्मानित तको करिन।
राज्यपाल के सचिव श्री यशंवत कुमार ह घलोक श्री श्रीवास्तव के सुखद भविष्य बर ओ मन ल शुभकामना दीन। ए बेरा म उप सचिव श्रीमती हिना अनिमेष नेताम संग राजभवन के आन अधिकारी-कर्मचारी उपस्थित रहिन।