बेमेतरा, कहिथें के जिंदगी बदले खातिर कई पइत एके प्रेरणा ही काफी होथे। कुछ अइसनहेच होइस बेमेतरा जिला के मजगांव के रहइया किसान सुखदेव सिन्हा के जीवन म होइस। अब स्थिति ये हे कि जेन किसानी के भरोसे सुखदेव कभू बमुश्किल परिवार बर भरण-पोषण के इंतजाम कर पात रहिस, ते ह आज सिरिफ टमाटर अऊ मिरचा बेंचके सलाना तीन लाख रुपए ले जादा के मुनाफा कमावत हे हे। मंझोल किसान सुखदेव सिन्हा के जीवन के तस्वीर बदले के काम उद्यानिकी विभाग ह करे हे।
दरअसल उद्यानिकी विभाग जिला के किसान मन ल फल अऊ साग-सब्जी के खेती करे ल प्रोत्साहित करत हे। एखर से परम्परागत धान के खेती के संगें-संग फल सब्जी के उत्पादन कर के किसान मन के आय घलोक बाढ़त हे। उद्यानिकी विभाग के योजना के लाभ मजगांव के किसान सुखदेव सिन्हा ल घलोक मिलीस। परम्परागत खेती ले हटके सुखदेव सिन्हा अब टमाटर-मिर्च के खेती करके आर्थिक समृद्धि िकोति आगू बढ़त हे। साग-सब्जी के खेती करके बड़का आर्थिक लाभ कमावत हे किसान सुखदेव सिन्हा ल देखके गांव के दूसर किसान घलोक प्रेरित होवत हे अऊ परम्परागत खेती ले परे उद्यानिकी फसल के कोति रूख करत हे।
सुखदेव ह पताल-मिरचा बेंच के कमाइस 3 लाख के मुनाफा
