बस्तर म बदलिस जिंदगी के रद्दा — पीएमजीएसवाई ले दूरिहा गांव मन तक पहुंचिस तरक्की के सड़क

जगदलपुर, प्रधानमंत्री ग्राम सड़क योजना (पीएमजीएसवाई) ह बस्तर के दूरस्थ आदिवासी इलाका मन के तस्वीर बदल देहे हे। जिहां पहिली बरसात म कीचड़ अऊ सूखा म धूर्राच ह रद्दा होत रहिस, उहें अब पक्की, चौड़ी अऊ सुरक्षित सड़क ह गांव मन ल शहर ले जोड़त हे। साल 2000 ले अब तक जिला म 2388 किलोमीटर ले जादा सड़क मन के निर्माण 856 करोड़ रूपिया के लागत ले पूरा होय हे।
ए सड़क मन ह दरभा, बास्तानार अऊ लोहंडीगुड़ा जइसे नक्सल प्रभावित क्षेत्र मन के 1420 गांव मन ल मुख्यधारा ले जोड़े हे। अब एम्बुलेंस गांव तक पहुंचत हे, छात्रा मनसुरक्षित स्कूल जात हें, अऊ महुआ-इमली जइसे वन उत्पाद सीधा शहर के बाजार तक पहुंचत हे, जेखर से गांव वाले मन के आमदनी बाढ़े हे।
योजना के तहत कुल 451 सड़क अऊ 16 बड़े पुल मन के निर्माण होय हे। ये पुल अब आपदा के समय जीवनरक्षक बन गे हे। एखर संगेच साल 2025-26 म पीएम-जगुआ अऊ पीएमजीएसवाई फेज-4 के तहत 295 नवा बसाहट मन खातिर सड़क के योजना बनाय जात हे, जेमें सौर रोशनी अऊ वर्षा जल संचयन जइसे आधुनिक तकनीक सामिल होही।
गांव वाले मन के अनुभव ए बदलाव के साक्षी हे — अब इलाज, शिक्षा, रोजगार अऊ सुरक्षा सब तक पहुँच संभव हो गए हे। ए सड़क मन ह बस्तर के पर्यटन, व्यापार अऊ आत्मविश्वास ल नवा गति देहे हे।
पीएमजीएसवाई ह सिरिफ रद्दा नइ बनाए, बल्कि भरोसा, विकास अऊ आत्मनिर्भरता के डगर तैयार करे हे।