मोहला-मानपुर, जब जिंदगी अंधियारी ले शुरू होथे, तब हर छोट सहारा ह अंजोर कस लागथे। अइसनहेच एक प्रेरक कहानी हे विकास खंड मोहला अंतर्गत ग्राम गुहाटोला के रहवइया इंद्राणी निषाद के, जेन बचपन ले ही नेत्रहीन हे। 40 साल के उम्मर म घलोक वो ह अपन साहस, धैर्य अऊ आत्मविश्वास के बल म जीवन के कठिन रद्दा मन ल पार करे हे।
इंद्राणी निषाद सीमित संसाधन वाले एक सामान्य किसान परिवार के ये। ओखर पूरा परिवार खेती-किसानी के काम करथे। नेत्रहीन होए के सेती जीवन के हर कदम म चुनौती रहे हे, फेर वो ह कभू अपन कमजोरी ल अपन पहिचान नइ बनन दीस।
सुशासन हफ्ता 2025 के अंतर्गत आयोजित “प्रशासन गांव की ओर” जिला स्तरीय शिविर ग्राम माडिंग पिंडीग म समाज कल्याण विभाग कोति ले इंद्राणी ल ब्लाइंड स्टिक सहायक उपकरण देहे गीस। ये उपकरण वोखर जीवन म आत्मनिर्भरता अऊ सम्मान के नवा रद्दा खोलइया साबित होही। ब्लाइंड स्टिक पात खानी इंद्राणी के आंखी म संतोष अऊ चेहरा म आत्मविश्वास के झलक साफ दिखत रहिस। वो ह शासन-प्रशासन के आभार व्यक्त करत कहिस के अइसन शिविर जरूरतमंद मन के जीवन म सकारात्मक बदलाव लाथे।
इंद्राणी के मां ह घलोक भावुक होके बताइस के ए सहायता ले वोखर बेटी के जीवन अब पहिली ले जादा सुरक्षित अऊ सहज हो जाही।
सुशासन के अंजोर ले संवरत हे जीवन : नेत्रहीन इंद्राणी के रद्दा पहिली ले होइस आसान
