दिव्यांग मन के जीवन होही सरल, एनटीपीसी ह बांटिस पांच ट्राइसाइकल

कोरबा, 13 अक्टूबर 2020। दिव्यांग मन के कल्याण के दिशा म एक अउ कदम आगु बढ़ात हुए एनटीपीसी कोरबा ह सोमवार के पाँच दिव्यांग मन ल ट्राइसाइकल प्रदान करिन। कार्यकारी निदेशक अश्विनी कुमार त्रिपाठी, ए.एम रघुराम, महाप्रबंधक (प्रचालन अउ अनुरक्षण) अउ डॉ.बीके मिश्रा, मुख्य चिकित्सा अधिकारी, एनटीपीसी कोरबा के उपस्थिती म प्रदान करे गिस। एनटीपीसी कोरबा के दिव्यांग पुनर्वास केंद्र सामाजिक दायित्व के अंतर्गत दिव्यांग मन के पुनर्वास अउ कल्याण बर कार्य करत हे। ए साल अब तक 10 दिव्यांग मन ल मोटर चलित ट्राइसाइकल प्रदान करे गए हे। स्वतन्त्रता दिवस के अवसर म पाँच लोगन ल अउ सोमवार के पाँच लोगन ल मिलाके कुल दस दिव्यांग मन ह एखर ले लाभान्वित होए हे।