पक्का आवास अऊ उज्जवला गैस जइसे योजना मन ले बदलत हे जिनगी

कोरिया 8 जनवरी 2024। छत्तीसगढ़ म चलाए जात विकसित भारत संकल्प यात्रा म केंद्र सरकार अऊ राज्य सरकार के योजना मन ले बड़ संख्या म मनखे लाभान्वित होवत हे। गांव के गरीब परिवार ल पक्का घर अऊ उज्जवला गैस के संग बुनियादी सुविधा मन के पहुंच ले गांव वाले मन के जीवन शैली म बदलाव आवत हे।
सरगुजा संभाग के कोरिया जिला म लगाए जात विकसित भारत संकल्प यात्रा के तहत बैकुण्ठपुर विकासखंड ग्राम आमी म लगाए गे शिविर म भारत सरकार के संयुक्त सचिव अऊ जिला बर नियुक्त नोडल अधिकारी श्री अनुपम मिश्रा घलोक सामिल होइन। शिविर म 70 साल के महिला ह पारंपरिक सुवागीत ‘चल झूला झूल..गोंदा के फूल’ गीत गाके शिक्षा के महत्व ल रेखांकित करिस। ये बेरा म श्री मिश्रा ह शिविर म लाभान्वित होवइया हितग्राही मन ले चर्चा घलोक करिन। उमन ये बेरा म कहिन कि योजना मन के लाभ जिनला मिले हे, ओ मन ल बहुत बधाई फेर उंखर जिम्मेदारी ये घलोक हे कि ओ मन अपन परिचित अऊ आसपड़ोस ल घलोक ए योजना मन ले जुड़े, उंखर से मिलइया लाभ के बारे म बतावव ताकि हर ग्रामीण सशक्त होवय अऊ सरकार के मंशा पूरा हो सकय। जादा ले जादा हितग्राही मन ल लाभ मिलय ते पाए के योजना मन के बारे म जानकारी देवव ताकि दूरिहा गांव म रहइया मनखे मन ल घलोक एकर फायदा मिल सकय।