वनांचल म ‘लिंगोदेव पथ‘ ले मिलही विकास ल नवा रद्दा

कोण्डागांव, 02 मार्च 2020। राज्य शासन के अथक उदीम मन के ये परिणाम हे कि कोण्डागांव के वो सुदूर क्षेत्र जऊन अब तक पहॅुचविहीन होए के सेती मूलभूत सुविधा मन ले वंचित रहिस, ‘लिंगोदेव पथ‘ के बने ले अब इहां शासन के पहुंच आसान हो गए हे। ये मार्ग अवइया बछर म क्षेत्र के रुपरेखा ल बदले के संगेच जिला के सामाजिक, आर्थिक अऊ सांस्कृतिक सुदृढ़ता के मार्ग प्रशस्त करही।