महिला समूह मन ल 42 करोड़ रूपिया के होए हे मुनाफा
मार्च-2022 तक 10 हजार गौठान मन ल मल्टी-एक्टीविटी सेंटर के रूप म विकसित करे के लक्ष्य
किसान सम्मेलन अऊ पुरस्कार समारोह म परिचर्चा म सामिल होइन मुख्यमंत्री के कृषि सलाहकार श्री प्रदीप शर्मा अऊ कृषि उत्पादन आयुक्त डॉ. कमलप्रीत सिंह
रायपुर, मुख्यमंत्री के कृषि सलाहकार श्री प्रदीप शर्मा, कृषि उत्पादन आयुक्त डॉ. कमलप्रीत सिंह अऊ वेकुल (Waycool) के सहसंस्थापक श्री कार्तिक जयरमन काली राजधानी रायपुर के एक निजी होटल म आयोजित किसान सम्मेलन अऊ पुरस्कार समारोह म परिचर्चा म सामिल होइन। मुख्यमंत्री के कृषि सलाहकार श्री शर्मा ह परिचर्चा म कहिन कि प्रदेश के 7777 गौठान मन म दस हजार स्वसहायता समूह मन के 60 हजार महिला मन कई ठन आजीविकामूलक गतिविधि मन म लगे हें। ए महिला मन ल आनी-बानी के रोजगारमूलक गतिविधि मन के माध्यम ले 42 करोड़ रूपिया के मुनाफा होय हे। उमन ये दौरान बताइन कि महिला मन के स्वरोजगार बर सबो गौठान मन म एक एकड़ म ग्रामीण औद्योगिक पार्क के स्थापना करे जात हे।