राष्ट्रीय कृषि मेला म लगही पशुधन उत्पाद मन के प्रदर्शनी

रायपुर, 19 फरवरी 2020। राष्ट्रीय कृषि मेला के आयोजन 23 ले 25 फरवरी तक रायपुर के तुलसी बाराडेरा स्थित थोक फल मंडी परिसर म करे जाही। राष्ट्रीय कृषि मेला के माध्यम ले कृषि खाद्य प्रसंस्करण नवाचार अऊ प्रौद्योगिकी ल बढ़ावा मिले के संगे-संग कई ठन प्रगतिशील किसान अउ स्वसहायता समूह कोति ले अपन उत्पाद मन के विक्रय के एक मंच उपलब्‍ध होही। राष्ट्रीय कृषि मेला म पशुधन विकास विभाग ले संबंधित कई ठन उत्पाद मन के विक्रय करे जाही। ए उत्पाद मन म ए-2 दूध (बीटा केसिन प्रोलीन) 80 रूपिया प्रति लीटर, देशी घी, बकरा (बीटल, सिरोही, बरबरी नस्ल) 5 ले 10 हजार रूपिया (नस्ल अउर उमर के हिसाब से), कड़कनाथ मुर्गा 800 रूपिया प्रति किलोग्राम, बत्तख (खाकी, केम्पबेल, व्हाइट पैकिन) 400 रूपिया प्रति किलोग्राम, जापानी बटेर 120 रूपिया प्रति जोड़ी, खरगोश (चिनचिला कोट) 500 रूपिया प्रति जोड़ी, देशी मुर्गी (बैकयार्ड) 500 रूपिया प्रति किलोग्राम, देशी मुर्गी अण्डा 10 रूपिया प्रति नग, बत्तख अंडा 20 रूपिया प्रति नग, गोमूत्र अर्क 70 रूपिया प्रति लीटर, गोनाइल 40 रूपिया प्रति लीटर, गोबर के मूर्ति छोटे 30 रूपिया प्रति नग अऊ बड़े 70 रूपिया प्रति नग, गमला 10 ले 20 रूपिया प्रति नग, धूप बत्ती 10 रूपिया प्रति पैकेट, वर्मी कंपोस्ट 500 रूपिया प्रति बोरी (50 किलोग्राम), जैविक कीटनाशक 40 रूपिया प्रति लीटर अऊ जैविक खाद 7 रूपिया प्रति किलोग्राम के दर ले विक्रय करे जाही।