रायपुर, 31 मार्च 2020। कोराना वायरस के संक्रमण ले बचाव बर पूरा देश म लॉकडाउन हे। अइसन स्थिति म परिवहन के सब्बो साधन हवाई जहाज ले लेके ऑटो रिक्शा तक बंद हे। अइसन म किराया म ई-रिक्शा चलाके अपन जीवन यापन करइया दिव्यांग रामगोपाल ल जीवन-यापन के चिन्ता सतावत रहिस। फेर राज्य सरकार के मदद ले अब वोखर दिन सुकून ले बीतत हे।
बेमेतरा जिला के भेड़नी गांव के निवासी श्री रामगोपाल साहू, पिता श्री मंथिर साहू दुर्ग जिला म अपन संगवारी के घर म रहिके किराया के ई-रिक्शा चलाके जीवन यापन करत हे। लॉकडाउन होए के सेती घर घलोक नइ लहुट पाए हे। ए खातिर उमन अपन दूसर संगवारी के घर रिसाली जाय के सोचिस। ट्राइसायकिल ले रिसाली जाय के समय उतई गौरव पथ रोड म समाज कल्याण विभाग के परिवीक्षा अधिकारी श्री कमलेश कुमार पटेल के नजर वोकर उपर परिस। श्री पटेल ह लॉकडाउन म रामगोपाल ल जात देखिस त वोकर हाल-चाल पूछिस। रामगोपाल के परेशानी पता चलिस त समाज कल्याण विभाग दुर्ग के अधिकारी मन ह ओ ल 15 किलो चावल, 3 किलो दाल अऊ जीवन यापन बर कुछ रूपिया दीन। अब रामगोपाल ल कोनो बात के चिंता नइ हे, वो अपन संगवारी के घर खुशी ले रहत हे। श्री रामगोपाल ह धन्यवाद देवत कहिस के अइसन मुश्किल के घड़ी म राज्य सरकार के मदद ल वो कभु भुला नइ सकय।
