रायपुर, 23 मार्च 2020। मुख्यमंत्री बघेल ह कोरेना के खतरा ल देखत अउ कोविड-19 के रोकथाम खातिर शहरी क्षेत्र मन म 31 मार्च तक लॉक डाउन करे के घोषणा करे हें। उमन कहे हें के ये दौरान अतिआवश्यक सेवा जइसे मेडिकल शॉप, किराना दुकानें, जनरल स्टोर्स, सब्जी, दूध, पेट्रोल पंप खुले रइहीं। एखरे संग बिजली आपूर्ति, जल प्रदाय सेवाएं, घरेलु गैस आपूर्ति सेवा, नगर निगम के साफसफाई अऊ कचरा निपटान सेवा अऊ जरूरी वस्तु मन के कमर्शियल परिवहन सेवा घलोक पहिली के जइसे निर्बाध रूप ले काम करत रइही। नागरिक मन स्वास्थ्य सेवा बर टोल फ्री नम्बर 104 अउ आन कोनो समस्या बर 112 नम्बर डायल करके सम्पर्क कर सकत हें।
ये बात ल लागू कराए बर डीजीपी डीएम अवस्थी ह सबो रेंज के आईजी अऊ जिला के एसपी ल मुख्यमंत्री भूपेश बघेल के हुकुम के पालन कराए के निर्देश देहे हें। अवस्थी ह कहे हें के पुलिस देखए के लॉक डाउन के बेरा म अनावश्यक रूप ले कोनो मनखे बिना काम के बाहिर झन घूमयं अऊ ना ही एक जगा बिना काम के सकलावयं। लॉक डाउन के बेरा म ठउका करव के सबो कार्यालय, संस्थान, परिवहन सेवा अऊ आन गतिविधि बंद रहय। ये बेरा म आम नागरिक ल जऊन इमरजेंसी सेवा खातिर घर ले बाहिर निकलें हे उमन ल मदद करव।
