दंतेवाड़ा,1 जून 2021 मंगल। लॉकडाउन तको गंवई क्षेत्र मन म रोजगार के कमी नइ हे। मुख्यमंत्री दाउ भूपेश बघेल के निर्देश म कलेक्टर श्री दीपक सोनी के मार्गदर्शन म जिला के गंवई क्षेत्र मन म मनरेगा के तहत् हरेक दिन हजारों मजदूर मन ल काम मिलत हावय।
मनरेगा के काम म मजदूर समाजिक दूरी अउ कोविड उपयुक्त व्यवहार के संग काम करत हावय। मनरेगा के तहत् सड़क निर्माण अउ समतलीकरण, तालाब गहरीकरण आदि कार्य चलत हावय जेमा हर दिन दंतेवाड़ा, गीदम, कुआकोंडा अउ कटेकल्याण जनपद पंचायत मन म हजारों लोगन ल रोजगार मिलत हावय।
एकर छोड़ आज साढ़े तीन करोड़ ले जादा 364.679 लाख के 103 नवा कार्य ल स्वीकृति दीन हावय । विकासखंड दंतेवाड़ा म 81.109 लाख के 41 कार्य, गीदम विकासखंड म 130.42 लाख के 33 कार्य, कुआकोंडा विकासखंड म 4.350 लाख के 03 ठिन कार्य ल स्वीकृति प्रदान करे गीस हे। ये कार्य मन म आंगनबाड़ी निर्माण कार्य, वृक्षारोपण कार्य जेमा वन विभाग ल 52.54 लाख के 18 कार्य, कृषि विभाग ल 13.36 लाख के 2 कार्य, उद्यान विभाग ल 82.9 लाख के 8 कार्य संघरे हावय।
जिला पंचायत कोति ले ग्राम पंचायत मन के आवश्यकता के अनुरूप कार्य के तुरते स्वीकृति देहे जावत हे। शासन के मंशा हे कि लॉकडाउन के चलते तको ग्रामीण मन म रोजगार के संकट पैदा झन होवय।
