दुर्ग 07 जुलाई 2020/छत्तीसगढ़ राज्य विधिक सेवा प्राधिकरण बिलासपुर के दिशा निर्देश म 11 जुलाई को विशेष छत्तीसगढ़ राज्य म ई -लोक अदालत के आयोजन करे जाही । श्री रामजीवन देवांगन, कार्यवाहक जिला न्यायाधीश द्वारा विशेष ई-लोक अदालत के आयोजन के संबंध म आज जिला न्यायालय दुर्ग के न्यायाधीश मन के बैठक लेके आवश्यक निरदेश दे हावे । ई-कोर्ट के माध्यम ले होवइया लोक अदालत म राजीनामा बर आवेदन जिला अउ सत्र न्यायालय म स्थित प्रबंध कार्यालय अउ विधिक सेवा प्राधिकरण, न्याय सदन दुर्ग ले प्राप्त करे जाथे । राजीनाम आवेदन 9 जुलाई के कार्यालयीन समय म प्रबंध कार्यालय म प्रस्तुत करे जा सकथे । एखर बाद पेश करे गे आवेदन स्वीकार नइ करे जाये ।
राजीनामा आवेदन पक्षकार अपन वकील (अधिवक्ता) के संग सोसल डिस्टेंसिंग के पालन करत प्रबंध कार्यालय जिला न्यायालय दुर्ग म जमा कर सकथे । पक्षकार अउ वकील (अधिवक्ता) द्वारा दे गे नंबर म व्हाटसप के माध्यम ल संबंधित खण्डपीठ के विडियो कांफ्रेसिंग बर भेज दे जाही । 11 जुलाई के प्रस्तुत आवेदन स्वीकार नइ करे जाही । 11 जुलाई के आयोजित होवइया लोक अदालत म कोनो भी पक्षकार अउ वकील (अधिवक्ता) न्यायलय परिसर म भौतिक रूप ले हाजिर होये बर जरूरी नई हे । पक्षकार अउ वकील (अधिवक्ता) द्वारा दे गे खण्डपीठ म सिर्फ विडियो कांफे्रसिंग के माध्यम ले ही अपन हाजिर निश्चित कर अपन पक्ष रखही ।
विडियो कांफ्रेसिंग म हाजिर होये बिना कोनो प्रकरण ल राजीनामा के आधार म निराकृत नइ करे जाही । प्रस्तुत आवेदन के संग आवेदक के पहचान पत्र संलग्न (संग म लगाना) करना जरूरी हे । जेन आवेदन मन म परचिय पत्र नइ होही, ओ आवेदन मन ल स्वीकार नइ करे जाही । पक्षकार मन के जानकारी बर अवार्ड के स्केन कापी ल संबंधि अधिवक्ता पक्षकार ल ई-मेल आई.डी. म भेजे जा सकथे । अवार्ड के मूल कापी ल पश्चातवर्ती अनुक्रम म जिला विधिक सेवा प्राधिकरण के कार्यालय ले प्राप्त करे जा सकथे । परिवार न्यायालय दुर्ग अउ श्रम न्यायालय दुर्ग म पेश होवइया राजीनामा योग्य आवेदन प्रबंध कार्यालय म जमा करे जाही । यदि वीडियो कॉन्फेसिंग म कोनो परेशानी आथे त जिला विधिक सेवा प्राधिकरण या प्रबंध कार्यालय ले संपर्क कर सकथे ।
जेन पक्षकार मन ल वीडियो कॉन्फ्रेंसिंग के माध्यम ले होवइया ई-लोक अदालत के बारे अथवा लोक अदालत प्रकरण संबध म कोनो समस्या होही टी ओखर निवारण बर विधिक सेवा प्राधिकरण दुर्ग के कार्यालय नहिते प्रबंध कार्यालय जिला न्यायालय नहिते प्रबंध कार्यालय जिला न्यायलय दुर्ग में संपर्क कर सकथे ।
दुर्ग ले गुरतुर गोठ बर सोनू कुमार