रायपुर, 29 जनवरी 2020। विधि अउर विधायी विभाग कोति ले मनखे मन ल सहज, सरल अऊ जल्दी न्याय देवाए खातिर राष्ट्रीय लोक अदालत मन बर वार्षिक केलेण्डर जारी करे गए हे। ये साल के पहिली बड़का लोक अदालत 8 फरवरी के दिन होही। एकर पाछू ए साल 11 अपरेल, 11 जुलाई, 12 सितमबर अऊ 12 दिसम्बर के दिन बड़का लोक अदालत लगाए जाही। ल करे जाही।
राज्य विविध सेवा प्राधिकरण के अधिकारी मन के बताती राष्ट्रीय विविध सेवा प्राधिकरण कोति ले उच्च न्यायालय, जिला न्यायालय, तहसील, श्रम अऊ कुटुम्ब न्यायालय मन म हर बछर बड़का लोक अदालत लगाए जाथे। लोक अदालत म लम्बित प्रकरण, अपराधिक, शमनीय प्रकरण, पराक्राम्य, अधिनियम के तहत बैंक रिकवरी, मोटर दुर्घटना क्षतिपूर्ति दावा प्रकरण, श्रम विवाद, विद्युत अउर जल कर, वैवाहिक, जमीन अधिग्रहण, सेवा निवृत्त संबंधी, राजस्व अऊ दीवानी आदि मामला मन के आपसी समझौता ले निपटारा करे जाथे।
जउन मनखे ये लोक अदालत म न्यायालय म लम्बित अपन मामला के समाधान आपसी सहमति ले करना चाहत हें तउन मन न्यायालय या विधिक सेवा प्राधिकरण ले सम्पर्क करके अपन मामला लोक अदालत म रखे के सहमति दे सकत हें।