लोकसभा चुनाव 2024: 85 प्लस अउ दिव्यांग मतदाता मन ह करिन अपन मताधिकार के प्रयोग

दुर्ग 28 अपरेल 2024/ भारत निर्वाचन आयोग के हुकुम के मुताबिक लोकसभा निर्वाचन-2024 अंतर्गत आज जिला म सबो विधानसभा क्षेत्र अंतर्गत 85 प्लस बुजुर्ग अऊ दिव्यांग चिन्हित मतदाता मन ल मतदान कराए खातिर मतदान दल ऊंखर घर पहुंचिस। दल के सदस्य मन ह मतदान के पूरा प्रक्रिया सम्पादित करत मतदान कराइन। मिले जानकारी के मुताबिक विधानसभा क्षेत्र 64 दुर्ग शहर के 59 मतदाता म ले 57 मतदाता मन ह अपन मताधिकार के प्रयोग करिन। बांचे 2 मतदाता ल 30 अपरेल के मतदान बर अवसर दे जाही। दिव्यांग महिला मतदाता ज्ञानेश्वरी साहू ह अपन सहयोगी के माध्यम ले मतदान करिस। उहें 85 प्लस के.एस.एल. सोरी, घनश्याम सिंग महालवार, विवेक सोनी ह घलोक अपन मताधिकार के प्रयोग करिस। उमन निर्वाचन आयोग के घर बइठे वोटिंग के सुविधा के सराहना करत अपन विचार व्यक्त किरिस कि कहूं ये सुविधा नइ होतीस त हम मतदान ले वंचित हो जातेन। उमन मतदान के तय तारीक ले पहिलीच वोटिंग करे म अपन खुशी के इजहार करते शासन-प्रशासन संग मतदान दल के सदस्य मन ल धन्यवाद ज्ञापित करिन। 85 प्लस अउ दिव्यांग मतदाता मन बर आज पहिली गृह दौरा रहिस। छूटे मतदाता बर 30 अपरेल 2024 ल दल के दूसर गृह दौरा होही।