रायपुर, 26 मार्च 2024। लोकसभा निर्वाचन-2024 के अंतर्गत छत्तीसगढ़ म पहिली चरण के निर्वाचन बर बस्तर लोकसभा क्षेत्र बर आज राष्ट्रीय जनसभा पार्टी के अभ्यर्थी के रूप म श्री कवल सिंह बघेल, भारतीय जनता पार्टी के अभ्यर्थी के रूप म श्री महेशराम कश्यप, बहुजन समाज पार्टी के अभ्यर्थी के रूप म श्री आयतु राम मंडावी अऊ हमर राज पार्टी के अभ्यर्थी के रूप म श्री नरेन्द्र बुरका ह अपन नामनिर्देशन पत्र जमा करे हे। बस्तर लोकसभा क्षेत्र बर अब तक कुल पांच अभ्यर्थि मन ह कुल सात नामांकन पत्र दाखिल करे हे।
जानबा हे कि प्रदेश म पहिली चरण के मतदान अंतर्गत बस्तर लोकसभा क्षेत्र बर उम्मीदवार मन से नामांकन पत्र दाखिल करे के आखरी तारीक 27 मार्च हे। सार्वजनिक अवकाश दिवस ल छोड़के कार्यालयीन दिवस म बिहनिया 11 बजे ले मंझनिया तीन बजे तक नामांकन दाखिल करे जा सकत हे। नामांकन पत्र के संवीक्षा 28 मार्च के करे जाही। उम्मीदवार 30 मार्च तक अपन नामाकंन वापस ले सकही।
