रायपुर, 19 फरवरी 2024। मुख्य निर्वाचन पदाधिकारी श्रीमती रीना बाबा साहेब कंगाले ह कहिन हे कि निर्वाचन के विश्वसनीयता, निष्पक्षता अऊ पारदर्शिता बनाए रखना ही निर्वाचन अधिकारी के योग्यता के कसौटी हे। निर्वाचन अधिकारी के हर एक काम म ये प्रदर्शित होना चाही। लोकसभा आम निर्वाचन के पहिली भारत निर्वाचन आयोग के निर्देशानुसार आयोजित रिटर्निंग अधिकारी अउ सहायक रिटर्निंग अधिकारी मन के सर्टिफिकेशन कार्यक्रम के शुभारंभ अवसर ल संबोधित करत श्रीमती कंगाले ह ये बात कहीन। नव पदस्थ जिला निर्वाचन अधिकारी मन अउ उप जिला निर्वाचन अधिकारी मन बर लोकसभा आम निर्वाचन बर दू दिन के उन्मुखीकरण कार्यक्रम के घलोक आज शुरूआत होइस। श्रीमती कंगाले ह ए मौका म लोकसभा निर्वाचन-2024 म बीते विधानसभा निर्वाचन-2023 के जइसे बेहतर अऊ सुगम निर्वाचन के दिशा म काम करे के आह्वान करीन। दुनों प्रशिक्षण के शुभारंभ अवसर म अकतहा मुख्य निर्वाचन पदाधिकारी श्री निलेश कुमार महादेव क्षीरसागर, संयुक्त मुख्य निर्वाचन पदाधिकारी द्वय श्री पी.एस. ध्रुव अउ डॉ. के.आर.आर. सिंह संग मुख्य निर्वाचन पदाधिकारी कार्यालय के वरिष्ठ अधिकारी मौजूद रहिन।
लोकसभा निर्वाचन बर रिटर्निंग,सहायक रिटर्निंग अऊ उप जिला निर्वाचन अधिकारी मन के प्रशिक्षण होइस चालू
