धमेन्द्र निर्मल के सार समाचार, मुख्य निर्वाचन पदाधिकारी सुब्रत साहू ह बताइन कि प्रदेश में चुनई के बेरा चुनई दल के हर घड़ी के काम बूता उपर नजर रखे खातिर सी- टाप्स माने छत्तीसगढ़ ट्रेकिंग ऑफ पोलिंग प्रोसेस साफ्टवेयर एप्लीकेशन गजब काम के रिहिसे। विधानसभा चुनई पइत सही लोकसभा चुनई के तीनों पायो में एकर सहायता ले चुनई दल के रवानगी ले लेके चुनई ठिहा पहुँचे, चुनई केन्द्र ले चुनई के संबंध में निश्चित आड़ मे सूचना अउ दल मन के मतगणना केन्द्र लहुटे तक के जानकारी सरलग मिलत रिहिस। जउन ह ए एप्लीकेशन के सफलता ल बताथे। उनमन कहिन कि एप्लीकेशन के उपयोगिता अउ सफलता ल देखत भारत निर्वाचन आयोग ह एकर बड़ई करे हे।
निर्देश दिए गे हवय।
प्रदेश म तीसरया पाया के मतदान म संघरे 14 जिला के 15,408 मतदान केन्द्र म ले कुल 11,138 मतदान केन्द्र ले मतदान दिवस म ले हरेक 02-02 घंटा के रिपोर्ट सरलग मिलत रिहिसे जउन ह एपलीकेशन के तकनीकी रूप ले सफलतापूर्वक काम करे के प्रमाण हरे। ए पइत सूरजपुर, बलरामपुर, रायगढ़, जशपुर, कोरिया, बिलासपुर, मुंगेली, दुर्ग, बेमेतरा अउ बलौदाबाजार जिला के 95 प्रतिशत ले जादा पीठासीन अधिकारी मन द्वारा सी- टाप्स एपलीकेशन म चाहे गे जानकारी
दर्ज कर दे गे रिहिस हे। साहू ह बताइन कि तीसरइया पाया म केवल कुछ ही पीठासीन अधिकारी जिन्कर द्वारा समे म प्रविष्टि नइ करे गे रिहिने, उन्कर ले वांछित प्रविष्टि आज 28 अप्रैल तक करा लिए जाए के निर्देश जम्मो जिला
निर्वाचन अधिकारी मन ल दिए गे रहिस हे।
छत्तीसगढ़ प्रदेश म विकसित मोबाइल एप्लीकेशन सी- टाप्स म जम्मो पीठासीन अधिकारी, रूट अधिकारी अउ सेक्टर अधिकारी मन के मोबाईल नंबर उपलब्ध रिहिसे, जेकर उपयोग आवश्यकतानुसार संपर्क करे म करे गिस, ए ह महत्वपूर्ण एप्लीकेशन के उपयोगिता ल सार्थक करत हे। छत्तीसगढ़ इंफोटेक सोसाइटी (चिप्स) द्वारा तैयार ये एप के विमोचन तत्कालीन मुख्य निर्वाचन आयुक्त ओम प्रकाश रावत ह एक नवंबर 2018 के करे रिहिन हे। ये मोबाइल एप के उपयोग
विधानसभा चुनई -2018 के पइत घलो प्रदेश म सफलतापूर्वक करे गे रिहिस हे। सी- टाप्स एप्लीकेशन में उपलब्ध ट्रैकिंग सुविधा के उपयोग करके मतदान अधिकारी आसानी ले अपन गंतव्य तक पहुंच पाइन। ये एप्लीकेशन ह सही बेरा म मतदान दल मन के मतदान केन्द्र म पहुंचते साथ से लेके मतदान सामग्री वापसी केन्द्र म पहुंचे के जानकारी संबंधित आर.ओ. डी.ई.ओ. अउ सी.ई.ओ. छ.ग. राज्य ल उपलब्ध कराइन।
चटकारा
मनटोरा:- देखतो, अवइया सगा मन बर मैं ह घर म का का तियारी करे हावव ? कुछु हरे खँगे ल तहूं बताबे।
समारू:- तोर ए सब तियारी, अमका-ढमका, चकोर-चाँदी ले का होही मनटोरा ! अवइया सगा बने राहय तेन हं काम के ? पता चलिस, आइस बने पाँव पैलगी करिस, बोलिस बतियाइस अउ सुते जठना म सबो ल बटोर के रेंग दिस। ओइसनोहो सगा का काम के ? अउ ए तोर जोरा सवाँगा का काम के ?
