बलौदाबाजार, लवन के रहइया छबि वर्मा बिलासपुर के सिम्स मेडिकल म मेडिकल के पढ़ाई करत हे। छबि के पिता सत्य नारायण वर्मा किसान हे अऊ परिवार के आय अतका नइ हे के ओखर पढ़ाई के पूरा खर्च उठा पावय। वो ह बताइस कि पढ़ाई म अच्छा होए के सेती ओखर एडमिशन तो हो गीस फेर छात्रवृत्ति योजना के फायदा लेहे बर आय प्रमाण पत्र जरूरी रहिस। अभी हर 6 महिना म वोला आय प्रमाण पत्र के जरूरत परथे। पहिली आय प्रमाण पत्र बनवाए म अड़बड़ बेरा लग जात रहिस वो ह सोचे नइ रहिस कि ओखर ये काम एके दिन म हो जाही। ओखर मानना हे कि लोक सेवा गारंटी योजना ले सबो वर्ग ल फायदा होवत हे।
वो ह बताइस कि सबो जरूरी कागजात लेके वो अपन पिता के संग कलेक्टोरेट स्थित लोक सेवा केंद्र आइस। इहां के सबो कर्मचारी मन ह उंखर बहुत सहायता करिन अउ एके दिन म वोला आय प्रमाण पत्र मिल गीस। वो ह बताइस कि आय प्रमाण पत्र मिल जाय ले वो ह स्कॉलरशिप बर समय ले आवेदन कर पाही। वोकर बताती ओखर ले छोटे भाई रेखराम घलोक अभी मेडिकल के तैयारी करत हे। ओखर बर घलोक आय प्रमाण पत्र के जरूरत परही।
