रायपुर, 10 जनवरी 2021। मुख्यमंत्री श्री भूपेश बघेल अपन रेडियोवार्ता लोकवाणी के 14वां कड़ी म आज युवा मन ले रूबरू होइन। रेडियोवार्ता के ये कड़ी युवा मन ल समर्पित रहिस। मुख्यमंत्री ह युवा मन के रिकार्डेड संदेश के माध्यम ले साझा करे गए विचार अऊ सुझाव मन उपर विस्तार ले चर्चा करिन अऊ युवा मन के जिज्ञासा मन के समाधान करे के उदीम करिन। मुख्यमंत्री ह ये कड़ी म युवा मन ल नवा साल के बधाई अऊ शुभकामना देवत कहिन के छत्तीसगढ़ के तरूणाई नवा अंगड़ाई लेके उठ खड़े हो गे हे। जऊन हम सबके सुरक्षित अऊ सुखद भविष्य के संकेत ये।
छत्तीसगढ़ के तरूणाई नवा अंगड़ाई लेके उठ खड़े होए हे जऊन सुरक्षित अऊ सुखद भविष्य के संकेत ये: मुख्यमंत्री श्री भूपेश बघेल
