रायपुर, मुख्यमंत्री श्री भूपेश बघेल के आकाशवाणी ले हर महिना प्रसारित होवइया ‘लोकवाणी’ के 21वां कड़ी (आपकी बात-मुख्यमंत्री श्री भूपेश बघेल के साथ) म बात-चीत के शुरूआत जय जोहार के अभिवादन के संग होइस। उमन कहिन कि आज के विसय ‘जिला स्तर म विशेष रणनीति ले विकास के नवा राह’ हे। ये मां स्थानीय परिस्थिति ल ध्यान म रखत समस्या मन के चिन्हारी करना, वांखर समाधान के तलाश करना, ओ मन ल लागू करना अऊ जनता ल राहत देवाना हे। ये कड़ी म सबो जिला के समन्वित विकास बर स्थानीय जनता के सोच, इच्छा अऊ अपेक्षा के मुताबिक काम करे म जिला प्रशासन ल अऊ जादा सक्षम बनाय जात हे। अइसनहे राज्य म हर एक मनखे ल सशक्त बनात विकास म उंखर भागीदारी सुनिश्चित करके नवा छत्तीसगढ़ ल गढ़े जात हे।
लोकवाणी: छत्तीसगढ़ के विकास म जनता के भागीदारी ठउका करत गढ़े जात हे नवा छत्तीसगढ़ – मुख्यमंत्री श्री बघेल
