रायपुर, मुख्यमंत्री श्री भूपेश बघेल के मासिक रेडियोवार्ता लोकवाणी के 7वां कड़ी के प्रसारण अवइया 9 फरवरी के होही। मुख्यमंत्री श्री भूपेश बघेल लोकवाणी म ये पइत ‘परीक्षा प्रबंधन अऊ युवा कैरियर के आयाम’, विसय म प्रदेशवासी मन ले बात करहीं। लोकवाणी के प्रसारण छत्तीसगढ़ स्थित आकाशवाणी के सबो केन्द्र, एफ.एम. रेडियो अऊ क्षेत्रीय न्यूज चैनल मन ले भिनसरहा 10.30 ले 10.55 बजे तक होही।
हम आप ल बता देवन कि मुख्यमंत्री श्री भूपेश बघेल ह समाज के हर वर्ग के भावना अऊ सुझाव ले अवगत होए अऊ अपन विचार साझा करे बर लोकवाणी रेडियोवार्ता चालू करे हें। लोकवाणी म ये पइत के विसय ‘परीक्षा प्रबंधन अऊ युवा कैरियर के आयाम’ रखे गए हे। ये संबंध म कोनो मनखे आकाशवाणी रायपुर के दूरभाष नम्बर 0771-2430501, 2430502, 2430503 म 27, 28 अउ 29 जनवरी के मंझन 3 ले 4 बजे के बीच फोन करके अपन सवाल रिकार्ड करा सकत हें।