लोकवाणी म ये पइत ‘महिला मन ल बराबरी के अवसर’ म होही बात: 26 ले 28 फरवरी तक रिकार्ड करा सकही आमजन अपन बात

रायपुर, 13 फरवरी 2020। मुख्यमंत्री श्री भूपेश बघेल के मासिक रेडियोवार्ता लोकवाणी (Radio talk)के 8वां कड़ी के प्रसारण अवइया 8 मार्च के होही। मुख्यमंत्री श्री भूपेश बघेल लोकवाणी म ये पइत ‘महिला मन ल बराबरी के अवसर’ विसय म प्रदेशवासी मन ले बात करहीं। लोकवाणी के प्रसारण छत्तीसगढ़ स्थित आकाशवाणी के सबो केन्द्र, एफ.एम. रेडियो अऊ क्षेत्रीय न्यूज चैनल मन ले भिनसरहा 10.30 ले 10.55 बजे तक होही।

हम आप ल बता देवन के मुख्यमंत्री श्री भूपेश बघेल (Bhupesh Baghel) ह समाज के हर वर्ग के भावना अऊ सुझाव मन ले अवगत होए अऊ अपन विचार साझा करे बर लोकवाणी रेडियोवार्ता चालू करे हें। लोकवाणी म ये पइत के विसय ‘महिला मन ल बराबरी के अवसर’ रखे गए हे। ये संबंध म कोनो मनखे आकाशवाणी रायपुर के दूरभाष नम्बर (Telephone number)  0771-2430501, 2430502, 2430503 म 26, 27 अउ 28 फरवरी के मंझन 3 ले 4 बजे के बीच फोन करके अपन सवाल रिकार्ड करा सकत हे।

एहू ल पढ़व ..  मुख्यमंत्री निवास म बगरिस हरेली तिहार के सतरंगी छटा

लउछरहा..