- राजीव गांधी किसान न्याय योजना-2020 म साल भर के भीतर 18.45 लाख किसान मन ल चार किस्त म 5 हजार 628 करोड़ रूपिया के के भुगतान
- राजीव गांधी किसान न्याय योजना-2021 के पहली किस्त के राशि 1500 करोड़ रूपिया के भुगतान, 22 लाख किसान होइन लाभान्वित
- कोरोना संकट के बाद घलोक योजना के क्रियान्वयन म एक दिन के घलोक देरी नइ होइस
- प्रदेश म पाछू दू बछर म किसान मन के संख्या 5 लाख 50 हजार बाढ़ीस
- किसान मन के हित म राजीव गांधी किसान न्याय योजना के होइस विस्तार
रायपुर 13 जून 2021। मुख्यमंत्री श्री भूपेश बघेल ह आकाशवाणी ले हरेक महिना प्रसारित होवइया ’लोकवाणी’ के 18वां कड़ी म बातचीत के शुरूआत जय जोहार के संग करत कहिन के छत्तीसगढ़ किसान मन के, खेती-किसानी के राज्य ये। हमर मानना हे के किसान खुशहाल होही, तभे प्रदेश खुशहाल होही। विकास के इही दूरगामी सोच के संग हमन छत्तीसगढ़ म 21 मई 2020 ले ’राजीव गांधी किसान न्याय योजना’ के शुरूआत करे हन। ये योजना हमर सरकार के कृषक हितैषी सोच ल साफ-साफ दर्शाथे। एखर से छत्तीसगढ़ म किसान मन के आय बाढ़ही अऊ ओ मन आर्थिक रूप ले सक्षम बनहीं।उमन कहिन के ये योजना छत्तीसगढ़ के किसान मन के विकास बर मील के पत्थर साबित होही।
