नवा बजट, नवा छत्तीसगढ़ के विकास के दिशा तय करइया : श्री भूपेश बघेल

रायपुर, मुख्यमंत्री श्री भूपेश बघेल ह आज रेडियो म प्रसारित अपन मासिक रेडियो वार्ता लोकवाणी के 28वां कड़ी म प्रदेशवासी मन ल सम्बोधित करत कहिन कि हमर नवा बजट, नवा छत्तीसगढ़ के विकास के दिशा तय करइया हे। प्रदेश के खुशहाली म जनभागीदारी के सबले बड़े भूमिका रहे हे, प्रदेश के समृद्धि म हर एक छत्तीसगढ़वासी के भागीदारी रहय, ये हम ठउका करबोन। हमर सरकार जनहित अऊ राज्य के विकास बर चट्टान के जइसे मजबूती ले काम करत हे। कोरोना संकट, जीएसटी अऊ केन्द्रीय कर के हिस्सा म कमी के बावजूद राजस्व आधिक्य के बजट प्रस्तुत करे गए हे। राज्य के ऋण भार अऊ वित्तीय घाटा लगातार कम होत हे अऊ पूंजीगत व्यय लगातार बाढ़त हे। आज प्रसारित लोकवाणी -‘नवा छत्तीसगढ़, नवा बजट’ विसय उपर केन्द्रित रहिस। छत्तीसगढ़ राज्य गठन के बाद अब तक के सबले बड़का बजट राज्य सरकार कोति ले प्रस्तुत करे गए हे। राज्य के बजट के आकार एक लाख 12 हजार 603 करोड़ 40 लाख रूपिया हे।