रायपुर, 08 सितमबर 2024/ भगवान श्री बलराम जी ल खेती-किसानी के देंवता माने जाथे, तेकर जंयती 9 सितमबर ल प्रदेश म किसान दिवस के रूप म मनाए जाही। ए कार्यक्रम म मुख्यमंत्री श्री विष्णु देव साय मुख्य अतिथि के रूप म सामिल होही। कार्यक्रम के अध्यक्षता कृषि विकास अउ किसान कल्याण मंत्री श्री रामविचार नेताम करहीं। किसान दिवस के आयोजन इंदिरा गांधी कृषि विश्वविद्यालय रायपुर, कृषि विकास अउ किसान कल्याण अउ जैव प्रौद्योगिकी विभाग अउ भारतीय किसान संघ छत्तीसगढ़ प्रान्त के संयुक्त तत्वावधान म आयोजित करे जाही। ये कार्यक्रम कृषि महाविद्यालय, रायपुर के कृषि मण्डपम म मंझनिया 12.00 बजे चालू होही।
कार्यक्रम के मुख्य वक्ता के रूप म भारतीय किसान संघ के अखिल भारतीय संगठन मंत्री श्री दिनेश कुलकर्णी होहीं। ए बेरा म विशिष्ट अतिथि के रूप म रायपुर लोकसभा सांसद श्री बृजमोहन अग्रवाल, विधायक सर्वश्री अनुज शर्मा, मोतीलाल साहू, इंदिरा गांधी कृषि विश्वविद्यालय के कुलपति डॉ. गिरीश चंदेल अउ भारतीय किसान संघ, छत्तीसगढ़ प्रान्त के अध्यक्ष श्री सुरेश चन्द्रवंशी घलोक उपस्थित रइहीं।
किसान दिवस के अवसर म इंदिरा गांधी कृषि विश्वविद्यालय, रायपुर म ‘‘प्राकृतिक अउ गौ आधारित कृषि’’ विसय म एक दिवसीय राज्य स्तरीय कार्यशाला घलोक आयोजित करे जाही, प्राकृतिक अउ गौ आधारित कृषि उपर विसय खांटी जानकार मन ह किसान मन ल ‘‘प्राकृतिक अउ गौ आधारित कृषि’’ के संकल्पना, एखर प्रविधि अउ एखर से प्राप्त लाभ ले अवगत कराहीं। ए राज्य स्तरीय कार्यशाला म छत्तीसगढ़ के कई ठन जिला मन ले 2 हजार ले जादा किसान सामिल होही। इही दिन छत्तीसगढ़ के कई ठन जिला मन म संचालित 27 कृषि विज्ञान केन्द्र मन म घलोक श्री बलराम जयंती-किसान दिवस समारोह के आयोजन करे जाही।