प्रदेशवासी मन ल विश्वकर्मा जयंती के दीन शुभकामना
रायपुर, 17 सितंबर 2024। मुख्यमंत्री श्री विष्णु देव साय ह आज भगवान विश्वकर्मा के जयंती के अवसर म मुख्यमंत्री निवास म पूर्ण विधि-विधान अऊ मंत्रोच्चार के संग भगवान विश्वकर्मा के पूजा-अर्चना करिन। उमन संसार के पहिली वास्तुकार, निर्माण अऊ सृजन के देवता, भगवान विश्वकर्मा के जयंती म सबो श्रमवीर मन के संग प्रदेशवासी मन ल बधाई अऊ शुभकामना दीन। ए अवसर म विधायक श्री अनुज शर्मा अऊ मुख्यमंत्री निवास के अधिकारी अउ कर्मचारी घलोक मौजूद रहिन।
मुख्यमंत्री श्री साय ह कहिन के, हमार श्रमवीर छत्तीसगढ़ ल गढ़े म सार्थक भागीदारी निभावत हें। श्रम ले सृजन के सार्थकता ल विश्वकर्मा जी ह ही समाज म स्थापित करे हें। विश्वकर्मा जयंती के दिन ह हमला श्रम बर संकल्पित होए के प्रेरणा देथे। विश्वकर्मा जी के तकनीक कौशल अऊ श्रमशीलता प्रेरणादायी हे।
