कोरिया। जिला के सोनहत जंगल म प्रेमी जोड़ा ह फांसी लगाके आत्महत्या कर ले हे। घटना बीते संझा के बताये जावत हे। बताये जावत हे कि घटना के खुलासा तब होइस जब चोकरी के पत्ता तोड़े बर एक महिला जंगल गिस। ये बेरा वो प्रेमी जोड़ा ल पेड़ म झूलत देखिस।
जेखर जानकारी महिला ह ग्रामीण मन ल दिस। ग्रामीण मन ह मृतक प्रेमी जोड़ा के पहचान कर ले हे। जेखर बाद ये घटना के सूचना परिजन ल दे गिस। परिजन पुलिस थाना पहुंच के मामला के जानकारी पुलिस ल दिस। घटनास्थल म पहुंच के पुलिस ह जांच शुरू कर दिए हे।
ये मामला सोनहत थाना क्षेत्र के ग्राम पंचायत मधला के हे। बता देथन कि सोनहत विकासखण्ड अंतर्गत बीते एक हप्ता के अंदर ये दूसरा घटना आगु आये हे।