केशकाल, 20 सितंबर 2020। ग्राम सिदावंड अउ गुडरीपारा के जंगल म आज मंझनिया दु प्रेमी मन ह खुदकुशी करे के नीयत ले जहर के सेवन कर लिस। जहर खाय के बाद दुनों के हालत गंभीर होगे। बेहोश होके जंगल म गिर पड़ीस। ग्रामीण मन ह दुनों जोड़ा ल रास्ता म पड़े देखिस। ओखर बाद जानकारी केशकाल थाना अउ 108 ल देहे गिस।
सूचना मिले म 108 वाहन दुनों प्रेमी ल सामुदायिक स्वास्थ्य केन्द्र केशकाल लाइस। जिहा डॉक्टर मन ह प्राथमिक उपचार करिन। प्राथमिक उपचार के बाद होश म आइस। पूछताछ करे म युवक ह अपन नाम धनश्याम साहू (25) पिता गोवर्धन साहू ग्राम चंदनवेदी जिला बालोद अउ युवती हिना निर्मलकर (25) पिता परसराम निर्मलकर ग्राम चन्दनवेदी जिला बालोद गांव ले भाग के आत्महत्या करे बर जहर सेवन करे रिहिन। प्राथमिक उपचार के बाद दुनों प्रेमी जोड़ा ल केशकाल ले कोण्डागांव रेफर कर दिस हे। उहें ये पूरा मामला म पुलिस जांच म जुट गेहे।
